Rreth nesh

1945/1955

Në vitin 1945, në punishten e tij mekanike, Eden Fumagalli krijoi modelin 50, makinën e parë larëse italiane: makina larëse iu prezantua publikut në Panairin e Milanos të vitit 1946. Po në të njëjtin vit, frymëzuar nga kori i një kënge të Nat King Cole, shoqëria e ndryshoi emrin në “Candy”.
Pas patentimit të lavastoviljes së parë, “Candy” hodhi në treg modelin 45, makinën larëse me kapacitet 3 kg dhe me pompë ngrohëse e shkarkimi. Në vitin 1954 shoqëria tregtoi “Candy Matic” me sloganin "...shumë faleminderit, është 'Candy'".

1955/1965

Në 1955 “Candy” hapi filialin e parë jashtë vendit, në Francë, i cili u pasua nga ai në Gjermani në vitin 1958. Në vitin 1957 u hodh në treg “Bi-Matic”, makina e parë larëse gjysmëautomatike me shpëlarje dhe centrifugim: një vit më vonë do të ishte radha e “Automatic Candy”, makinës së parë larëse plotësisht automatike.

Mes viteve 1959 dhe 1961 u ndërtua fabrika e re në Brugerio (MB). Makinat larëse moderne kanë kazan oval dhe mundësinë për gjysmë ngarkese, si “Superautomatic 5” i prezantuar nga “Candy” në vitin 1963.

1965/1975

Lavastovilja e parë “Candy” daton në vitin 1966: ajo quhet “Stipomatic” dhe ka 3 ndarje të veçanta me larje të ndara. Në 1968 “Superautomatic 98” ishte makina e parë larëse me 6 programe me njomje biologjike. Në 1970 -1971 filloi prodhimi i sobave dhe frigoriferëve të parë, me blerjen e markës “Kelvinator”.

Produktet e reja “Candy” mbajtën emrin e disenjatorëve të famshëm dhe fituan çmime si “Busulla e Artë”, e fituar në vitin 1970 nga “CANDYzionatore C23”, e disenjuar nga Joe Colombo.

1975/1985

Produktet ishin gjithmonë të pranishme, por kurrë si në këtë periudhë, kursimi dhe ndikimi në mjedis u bënë çështje të rëndësishme për “Candy” në vitin 1977, e cila filloi fushatën “No Waste” me sloganin “Candy ju ndihmon të mos humbisni. Energjinë, sendet, detergjentin”.

Për frigoriferët, ishte shoqëria e parë që përdori teknologjinë pa akull që parandalon krijimin e brymës dhe bën që makinat e reja larëse të jenë më të fuqishme duke i pajisur ato me depozita të reja larjeje dhe kazanë prej inoksi.

Në vitin ‘81 “Candy” tregtoi “T3”, ngrirësin e parë me 3 ndarje dhe me 3 temperatura të ndryshme

1985/1995

Në vitin ‘85, me rastin e përvjetorit të dyzetë, “Candy” bleu dy markat e mëdha italiane “Zerowatt” dhe “Gasfire”.

Në këto vite ajo hapi fabrika në mbarë botën dhe vazhdoi të blinte shoqëri të mëdha si “Rosiéres” (produkte lider në gatim), “Mayc-Otsein” (makinë larëse me derë lart) dhe “Iberna” (frigoriferë): në këtë mënyrë lindi “Combichef” novator, furra e parë për mënyrën e zakonshme të gatimit dhe me mikrovalë.

Gjatë kësaj periudhe pajisjet për moszënie hapësire, ​​si për shembull makinat larëse “Slimmy” dhe “Festa” patën shumë sukses.

1995/2005

Në vitin ‘95 “Candy” bëri njëzetepesë vjet dhe festoi duke blerë “Hoover European Appliances”, lider evropian në produktet për kujdesin ndaj dyshemeve. Në mijëvjeçarin e ri “Candy” ndryshoi logon e vet dhe vazhdoi të rritet: në vitin 2002 eksportonte në 111 vende.

Po në të njëjtin vit lindi slogani “Candy mund t’i bëjë të gjitha”, i cili është ende në përdorim.
Në vitin 2004 “Candy” fitoi një rekord për lavastoviljet: “Candy Futura” lan deri në 15 vend-vendosje. Gjithashtu, gjatë kësaj periudhe “Candy” shkoi në Kinë për të hapur zyrën në Shangai.

2005/2010

Në vitin 2005 “Candy” festoi 60 vjetorin dhe bleu markën “Vyatka”, lider në Rusi për makinat larëse. Në mars të vitit 2006 hodhi në treg “GrandÓ”, makinën larëse me kazanin më të madh në treg; në qershor bleu markën “Jinling”, lider për makinat larëse në Kinë dhe në vitin vijues iu bashkua Grupit edhe “Turkish SUSLER”, specialist në produktet për gatim.

Në vitin 2009 u prezantuan pianurat me induksion dhe gjithashtu u hodh në treg “Duo”: në përmasa standarde, “Candy” futi në treg lavastoviljen dhe furrën elektronike me shumë funksione. 2010-ta shënoi revolucion në tharëset me “EasyCase”: depozita që mbledh ujin e kondensuar mbrapa kazanit.

2011/2013

Në vitin 2011 “Candy” prezantoi “GrandÓ Evo” me teknologjinë e sistemit të energjisë së përzier që lan në temperaturë 20° si dhe 40°. Gjithashtu, në kuzhinë erdhi me furrën “Prodige” me dhomë dhe ventilator të dyfishtë për të pjekur njëkohësisht në temperatura të ndryshme.

Në vitin 2012, u inaugurua një fabrikë e re e makinave larëse në Kinë. Përveç makinave larëse me derë lart, “Candy” prezantoi “Evo Plaisir” me hapje me prekje të lehtë. Revolucion në kuzhinë: Frigoriferët “Krio Vital Evo” mundësojnë ruajtje më të mirë të ushqimit përmes teknologjisë pa akull e “Bio” dhe sistemit të kontrollit të ajrit; pianura me induksion u bë “FLEKSI” dhe me zona modulare gatimi; furrat patën dhomën më të madhe të furrave në treg me përmasa për 78 litra.

Në vitin 2013 “Candy” shtoi në lavastoviljen e tij “EvoSpace” hapësirën për 8 enë të mëdha falë veçorisë “Maxi Plates”. Në këtë vit u prodhuan mikrovalët “EGO”: të fuqishme, në 5 ngjyra dhe me pamje vintazh.

2014/2015

Në vitin 2014, makina larëse “GrandÓVita” arrin një rekord për larjen më efikase dhe më të shpejtë falë sistemit me energji të përzier +: larje perfekte në 59’; furrat dhe pianurat “Elite” u krijuan me një dizajn unik dhe perfekt; Lavastovilja “EvoSpace” bart 16 vend-vendosje dhe mban rekord për kapacitet dhe fleksibilitet; Makina larëse-tharëse “Alisè” lan 8 kg ngarkesë dhe than 5 kg në një hapësirë prej vetëm 45 cm.

Frigoriferët u bënë të mëdhenj, duke arritur një lartësi prej 2 metrash.
Gjithashtu, në vitin 2014 prezantohet veçoria “simply-Fi”, gama e parë e plotë e pajisjeve të lidhura përmes “Wi-Fi”. “Candy” në vitin 2015 feston 70 vjet nga prodhimi i makinës së parë larëse në Itali dhe përgatitet të festojë me shumë të reja.